C+ Blog

You are here: Home - C+ Blog

  • 休息是為了準備向前

    哈哈!!!

    簡單一句: 11月9-13日,  我地放假5天

    由於離港的關係, 電話未必打得通

    請大家盡量用EMAIL 或者WHATSAPP的方式查詢!!

     

    唔該晒!!!

     

    返來就要為聖誕時段努力啦!!!

  • 短銀包 ( 同學作品)

    今日,有位上次來整card holder 既同學返來整銀包

    開心既係見到同學比上一次進步左好多(因為佢有帶埋上次的card holder 來)

    最主要既,係見到佢好有心機去完成

    (雖然同學都係比較靜既、但見到佢滿意既表情,我心情指數都大增、 hehe)

     

    回到正題:

    短銀包來講,我地一路都有強調選皮及打磨

    睇下今日同學整既先

    卡位好整齊,左右2邊都對齊,卡位格與格都一致

    整齊的線位

     

    冇需做任何photoshop的效果

    一分心機一分收穫

    我諗見到圖,大家都會明白打磨的重要性掛

     

    c+ leather 一路堅持既唔止係聯好成個銀包、更重要既美化既

    我地唔會以價錢行先, 希望大家可以明白依點

    (ps.希望唔好再收到議價的電話啦 haha!!!

    一分錢一分貨,簡單一個道理,大家明既)

  • 製作一個合格的錢包

    好耐冇分享皮革DIY 嘅小tips,今次盡量detail一D,補償下俾大家先!
    
    最近, 喺網上見到一D手工皮革銀包成品嘅相片,發現當中咗一D問題,
    可能係初學者未曾留意到嘅。
    
    (今次以2位黃同學嘅銀包為例─本身有6個卡位, 再加2個相位)
    
    1.由選材入手
    
    銀包外層嘅皮革,可視乎個人喜好,硬身或軟身喺冇規定嘅,但厚度方面就有
    D要求,1.2mm嘅會比較適合。
    
    網上DIY嘅建議一般喺2mm,但點解我會推介用1.2mm嘅呢?
    原因好簡單,2mm嘅皮革,只會喺皮革底面做表面處理,再直接縫上銀包,
    日子耐咗,皮革底部嘅毛毛就會走出來,唔太美觀。
    但如果採用1.2mm嘅皮革,就可以先做”痴底”嘅步驟,
    將一塊接近0.6mm至1mm嘅皮革用膠水或白膠漿痴喺於皮革底部,
    做出來嘅效果美觀之餘,銀包嘅表面亦相對挺身。
    
    外層OK咗,就要選擇內層皮革啦!建議1mm以內嘅皮革最為適合。
    
    行入書局,打開本本皮革書,都係用樹羔皮做包內層嘅示範,睇落都應該
    唔似用咁薄身的皮。
    
    以下純屬個人意見,如果你喺日系FANS嘅話,完全可以SKIP 依點。
    
    銀包作為貼身物品,相信大家都唔希望佢喺未裝任何野前,就已經係一件好利
    害嘅武器。遇到危險時,可以用來敲爆壞人嘅頭,大舊而笨重嘅銀包我諗唔太
    適合大家。

    因此,我嘅建議係:
    
    *選擇合適厚度嘅皮革─做完錢格嘅”痴底 ”工作,裁剪好晒各部配件,就可以開
    始啦!
    由於 銀包內層嘅皮革較為薄身,大家記得要先做返個底面處理,一來可以搞掂
    D 毛毛,二來等佢乾身後會挺身D。
    
    * 如果銀包內格要做2隻色嘅配搭,就記住要揀厚度同軟硬度都差唔多嘅皮革,
    絕對唔可以有太大偏差。

    2. 開始製作
    
    首先會由卡位開始,但開始前記住先為卡位外露部分做皮邊處理。 (咁會美觀
    D呀!)
    大家當然要努力打孔, 縫線…但最緊要係要為銀包瘦身呀!
    如果有削皮機的話,當然最好。但你可能話,削薄皮邊,縫縫縫,好易姐。但
    一般人,好似我咁,都冇D咁利害的工具,咁就要由剪裁入手,睇下邊D重覆嘅
    位置, 可以喺唔影響外觀嘅情況下,將佢剪走。要裁咩位置,今次唔多講啦!
    
    做完一邊卡位,當然要記得打磨啦!
    做銀包唔同做其他野,有D位就係要打磨完配件後,先可以再完成下一個步驟
    嘅,記住唔可以完成後先一次過做呀!

    3. 上邊油
    
    好快手完成咗個銀包嘅聯線工作。銀包成形,咁仲有D咩可以改善呢?
    
    想銀包靚靚,皮邊嘅打磨,就絕對唔可以欠缺!有時間加埋心機, 係一定可以
    嘅!如果有內格用左唔同色的皮革既情況下,建議上邊油。請睇圖!
    邊蠟效果

    邊油效果

    我諗睇到呢度,作為一個初學者,又或者想做銀包嘅同學仔,大概都已經識得
    去選擇材料, 同埋知道做一個好嘅手造銀包嘅竅門啦!
  • 卷裝蠟線

    因為同學都說外面找不到彩色蠟線、所以這次幫同學訂了一些回來

    想不到,大家需求如此大 haha!!

    當然,因為這次找回來的蠟線、價錢便宜,而且顏色都相當不錯

    如果在網上網買的話,看到多數賣家都是10元10米, 難怪一起250 米的線、$65 元的價錢、 會賣得這麼快

    看來要找多些好東西回來,讓大家可以有多點的選擇才行!!

  • WORKSHOP 新地址

    C+ LEATHER WORHSHOP

    已搬遷到 新蒲崗雙喜街2-4號同德工業大廈7樓A座705室

    如有查詢請致電: 5114-2515 (葉小姐)

Back to top